الرادود خيري الحجيمي

#فزاعية_شهادة_الصادق ع

ونن حيل للصادق
خل يسمع بواجينه

~•~•~•~•~•~•~•~~•~•~•~•~•~•~•~
ويلي من كضه مسموم
صارت ضده هاي الكوم
صيحن حيل يا مظلوم
الصادق غمضت عينه

~•~•~•~•~•~•~•~

ويلي البيت صار اظلم
بفراكه الحزن خيّم
خلافه مابقه بس هم
مصابه يصعب علينه

~•~•~•~•~•~•~•~
اجر اه و الف حسرة
عله البلهم كضه عمره
مثل مصابه ما يجره
الصادق الله يعينه

~•~•~•~•~•~•~•~
الكاظم قبّله و شمه
وخواته وياه ملتمه
ينوحن بالبجي يمه
ابونه فراكه ياذينه

~•~•~•~•~•~•~•~
ظل كلبي يشب ناره
من انطفت انواره
عكبه موحشه دياره
وينه اللي يعزينه

~•~•~•~•~•~•~•~
لاجن يسهل صوابه
حضرت دفنته احبابه
اه يحسين و مصابه
عليه تكثر بواجينه

~•~•~•~•~•~•~•~
مثل حسين ما يجره
وخيل الداست بصدره
كل طبرة باثر طبرة
واخته تسمع ونينه

~•~•~•~•~•~•~•~~•~•~•~•~•~•~•~
✍🏻ذكرى الخفاف
11/7/2017

✿〰✿〰✿〰✿〰✿〰✿

https://www.tg-me.com/خادمة أمير المؤمنين ذكرى الخفاف/com.zikrakhaffaf

#شهادة_الامام_الجواد_ع

✿〰✿〰✿〰✿〰✿〰✿

ابد مترد الجفوف الجفوف الجفوف
جواد العترة معروف معروف معروف
يا امامي.. يا امامي

〰〰〰〰〰1〰〰〰〰

عله عتابك اجيت بحسرة وهموم... اندبَنّك يمسموم
شايـــل حاجتي و دلّالي ملچوم... روحي بصحنك تحوم
ادگّـــن بابك بدمـــعاتي هاليوم.. اصرخ آه يمظلوم
جرح گلبي عميق و ينزف دموم... من الفرحة محروم

يبو الهادي اجيـتك اجيـتك اجيـتك
و بحزاني اعتنيتك اعتنيتك اعتنيتك
يا امامي... يا امامي

〰〰〰〰〰2〰〰〰〰

يبو الهادي وُصَلْت لعتبة الباب... و گلبي من الالم ذاب
اقره ٱذن الدخول بدمع سچاب... دمعي يْغَرْگ الكتاب
واقبلهه بسجودي أطهر اعتاب... و اعفر خدي بتراب
أواسي جدك الكاظم بالمصاب... بسمّك يغله الاحباب

عظيم الاجر الكــم الكــم الكـــم
گضه مسموم ابنكم ابنكم ابنكم
يا امامي.. يا امامي

〰〰〰〰〰3〰〰〰〰

دخلت الحضرة چن بس انه وانته... دموعي تطيح سكتة
كلبـــي بالدمع ترجـــم عبـــرته... بي يشرح محنته
رددت الســـلام بحـــزني صغته... دليلي يجر حسرته
و چفـــي للضريح ابهيده رفعته... وي صوتي السمعته

سلام الله و نبيه نبيه نبيه
الك ارفع تحية تحية تحية
يا امامي... يا امامي

〰〰〰〰〰4〰〰〰〰

وصلت يم الضريح وبانفاسي شهگه... من شوگي للملگه
آاه ويه النفـــس تطلع بحرگه... توصف حال عشگه
جنح كلبـــي صفك بالملگه صفگه... لشباچه يشبگه
ودمعة النـــزلت عله الخد تحرگه... تشرح اثر فرگه

يمولايه اريدك اريدك اريدك
تبرد گلبي بيدك بيدك بيدك
يا امامي... يا امامي

〰〰〰〰〰5〰〰〰〰

وگفت گبال شباچه وانظره ... تعصر روحي حسرة
سلام الله عليك بزيارة اقره... يـــا تاســـع العترة
اريد الليله من عندك البشره... گلبي تنظر امره
بجاه حسينك المنگطع نحره... بجاه امك الزهره

بضلع امك نخيتك نخيتك نخيتك
الحوايج كلهه بيدك بيدك بيدك
يا امامي... يا امامي

〰〰〰〰〰6〰〰〰〰

خَلّصْتِ اسْجَدت سجدة طويله... لربي اشتكيله
ياربي اصيح و دمعي اسيله... تره همومي ثگيله
اريدن حاجتي تنگضي الليله... لا مو مستحيله
بجاه اللي گضه و جثته نحيله... وما واحد يشيله

يربي جيت اناجيك اناجيك اناجيك
بابو الهادي اصد ليك اصد ليك اصد ليك
يا مولاي... يا مولاي

〰〰〰〰〰💔〰〰〰〰

✍🏻ذكرى الخفاف

(اسم المنبر :جروح الغائب)

للتواصل مع الشاعرة 👈 @Zikraalkhaffaf_bot

✿〰✿〰✿〰✿〰✿〰✿

https://www.tg-me.com/خادمة أمير المؤمنين ذكرى الخفاف/com.zikrakhaffaf

الحان ✨الملا أحمد الزوار

الشاعرة ✨ذكرى الخفاف

♚••••••••••••••••••••••♚
°•~•° °°•~•° °•~•°

✍الحـــان المــــلا↜ خيري الحجيمي

•••••••••••••••••••••••••••

✍كلمات الشــــاعر~ ذكرئ الخفاف

♔••••••••••••••••••••••♔
°•~•° °°•~•° °•~•°

#شهادة_الامام_الجواد_ع
#زنجيل

(يمكن أن يقرأ ك نعي بطور التغريد الحزين او الطور الفائزي.. )

الحسن و حسين يا شيعة... مصيبتهم جمر تسعر
و جواد اليمه من انصاب... نقارن حاله بالمصدر 
.............


يون اليوم هوة بغداد.... و الشيعه تجر حسرة
تبجي وتلطم اعله الراس... و تواسي فاطمة الزهرة
تنادي ويلي يالمسموم.... الشعل وسط الكلب جمرة
مصيبة يشيب منهه الراس.. و تون لمصيبته العترة
المآتم باللطم و النوح.... تظل لابن الرضا تعمر
............

اريد احجي القضية اليوم... و اقارن موتته بجده
ثلث تيام بقه مطروح... العطش ويلي مرد جبده
لجن الحسين عكب ما مات... حزو راسه من عنده
داست صدره خيل الكوم.. و ظل عاري الجسد وحده
الجواد اتغسل و شيعوه ... و جده بالدمه معفر
.........

جم ونة بصدر مولاي... تكسرت ويلي جم عبره
تذكر حالة المسموم... الحسن عمه شكثر صبره
هم مثله انغدر بالسم... و مرته اللي كضت امره
يعيد صياغة التاريخ... و يفرق كوم التغدره
بني العباس اله تضده.. و بني اميه لشبل حيدر

........

بهالليلة انكسر كلبي.... عله الغايب يهل دمعي
ينادي الثار يربي الثار... لظهوره لربه بس يدعي
يروح الكاظمية يريد... يزور أجداده و ينعي
يشارك بالعزه و يكول... كلف ياهالخلك وضعي
و الزهرة بفجيعة تنوح ... تريده بالعجل يظهر
........

✍🏻ذكرى الخفاف

(اسم المنبر :جروح الغائب)

للتواصل مع الشاعرة 👈 @Zikraalkhaffaf_bot

✿〰✿〰✿〰✿〰✿〰✿

https://www.tg-me.com/خادمة أمير المؤمنين ذكرى الخفاف/com.zikrakhaffaf

#نعي استقبال شهر محرم

كأني بمولاتي زينب "ع" تجلس هذا اليوم في دار أخيها الخالي من الأحبة و حولها سكينة و أيتام الحسين.. ففي مثل الغد تتجدد المصائب.. تتجدد الآلام..

يا شهر الحزن لا لا تجي بساع
جَيتك بيهه گلبي حيل يرتاع
أنه ماشفت راحة و عمري ضاع
من يوم اللي راحو خوتي السباع


أما سكينة.. كاني بها تتوجه لمحراب الحسين تقبله..

يا محراب أبوية الخالي منّه
شحالك عگب راعي المحنّه
تمنيت الزمن يرجع و ألمحنّه
و ترجع حياتي تصير جنّة
لاكن أيست و ارتفعت الونّة
حبيبي الغالي بعد مايرجعلنه

ثم ترتفع أنة حزينة من داخل الحجرة.. امرأة ثاكلة... فاقدة أولادها.. ام البنين..

مانشفت دمعتي يا ضيا العين
من يوم الرحت يوليدي يحسين
أروحن للبقيع و أشبع ونين
بس هسه المصيبة صارت اثنين
لأن باچر يجي عاشور الحْزين


ثم يخرجون إلى سطح الدار يبحثون عن الامام زين العابدين "ع" .. كأني به ينظر إلى السماء و دموعه تجري على خديه..

تعالي يا عمّة اكعدي و عايني وياي
خل نتحضّر سوية نشاهد الجاي
باچر قميصه لوالدي يلوح بسماي
و يذكرنه بمصايب كلش هواي
نتذكر ابوية الظل بلا فياي
عطشان بكربلا ما ضايك الماي
و انتي بالفلا مابين هاي و هاي
تصيحيله ( اجيتك فاگدة الراي)

~~~

✍🏻ذكرى الخفاف

✿〰✿〰✿〰✿〰✿〰✿

https://www.tg-me.com/خادمة أمير المؤمنين ذكرى الخفاف/com.zikrakhaffaf